الأربعاء، 5 ديسمبر 2012


فتحت اليوم صفحتها الخاصه وضغط على ارسال رساله وضعت اناملى على الكيبورد وبدأت اكتب كتبت الكثير من الكلمات ومحوتها واعدت كتابتها مره اخرها ومحوتها وظللت اكتب وامحو فى محاوله منى لصياغه نص رساله ارسلها لها لا اعلم اين هربت حروفى لا اعلم اين ذهبت منى الكلمات حائرا انـــا لاول مره اعيد صياغه ما اكتب لاول مره تتراجع اناملى عن زر الانتر دائما ما اكتب ما يجول بخاطرى ودون اعاده قرأه لما كتبته تسبق اناملى عقلى وتضغط انتر فتطير كلماتى محلقه فى صفحات العالم الافتراضى ان اعجبتهم لا بأس وان لم تعجبهم لاضرر لاول مره اشعر بانى اريد ان تعجب كلماتى احد لا اعلم لماذا مع العلم اننا لم نلتقى كثيرا ليس بيننا سوى نظره خاطفه نظره واحده هل نظره تفعل بى ما فعلته بى نظرتها نظره واحده من عينيها الساحره اطحت بى وبعتره حروفى وتلعثمت كلماتى من هــى مازلت لا اعلم عنها الكثير ولكنى على يقين انها انثى استثنائيه انثى ملائكيه فيكفى عذوبه صوتها ويكفى نظره عيونها اخيرا ارسلت رسالتى ولكنى فى حيره هل ستقرأها هل ستهتم بها ام ستتجاهلها وتهملها لا اعلم ولكنـــى اعلم انــى الان على قائمه الانتظـــار .......لاول مره فى حياتى اجرب طعم الانتظار

الخميس، 29 نوفمبر 2012

بارعٌ جدا فى اخفاء مشاعرى امام كل البشر ولكن تتلاشى تلك البراعه امام عيناكى انتى


الأربعاء، 28 نوفمبر 2012

اللهــــم انى استعيـــن بك على الحنين الذى يرهقنى والشوق الذى يسرق نومـــى


قبل ما تنزل لازم تسمعنى


يا بنتى انتى بس اسمعينى


اسمعك ما انا طول عمرى بسمعك اسمعنى انت بقا مره


حاضر قولى يا سيتى


بس بقا علشان انا بقالى كتير كاتمه وساكته


لا والله هى من اولها كده


بص لو سمحتى متقاطعنيش


طيب كملى يا سيتى قولى اللى عندك


ايوه سيبنى بقا اقول كل اللى عندى


طيب ماتقولى هو انا ماسك لسانك يعنى


ما انا هقول لانى بجد معنتش متحمله تصرفاتك دى مع البنات التانين


بنات تانين ايه بنات تانينى دى كمان


قولتلك لو سمحت متقاطعنيش وسيبنى اكمل كلامى


الله انتى هتعلى صوتك عليا ولا ايه


بس بقا بجد انت لازم تســـــــــمع >_<


طب خلاص خلاص قولى كل اللى عندك


بص بقا


لالالا استنــى بحبــــك


يوه وبعدين بقا معاك هتسمعنى ولا اسكت خالص


هسمعك بس كنت بقول بحبك ها كملــى


البنات دول بقا اللى انت


طب ما تيجيبى بوسه


يووووووووووووووه وبعدين بقا


يلهوى عليكى انتى ايه الواحد ميعرفش يهزر معاكى كل ده علشان بقول بحبك وهاتى بوسه انتى اصلا شكلك مبتحبنيش انتى مبتحبنيش صح قولى انا من الاول وكنت عارف انك مبتحبنيش


يا عم والله بحبك استنى بس اسمعنى علشان انا ع اخرى


قولتى ايه


قولت انا على اخرى


لا اللى قبلها


وبعدين معاك


وغلاوتى قولى قولتى ايه


قولت بحبك ارتحت


وانا بموت فيكى بقا وبعشقك وبدوب من نظره عيونك


^^ وانا عارفه انى مش هاخد حق ولا باطل معاك


سيبك بس وربنا انا بعشق جمال امـك يا خرابى ع ضحكتك ايوه كده تبسم اعم العسل انت


يوه بس بقا بتكسف


بموت فيك وانت مكسوف :D


وانا بحبك يلا بقا انت مش كنت نازل على شغلك

يلا سلام

سلام

 


تعلميــــن جيدا كيف اكون عندمــــا أعشـــق ولكـــن تجهليـــن تمـــام كيــف 

اصبــــح عندمـــا أتجـــاهل ....!!!!


احتـــاج للتغيـــر فى نظـــام حيـــاتى اعتـــرف ان اخر ثلاث سنـــوات من عمرى لم اكـــن انـــا

اشتقــــت الىّ كثيــــرا

لســـت مـــلاك ولــم اولــــد بالمدينه الفاضله


هــو : ولــع سيجارته وقاعد يفكر ياترى واحشتها

هى : حضنت هديته وقعدت تفكر ياترى واحشته

هـــو : احنا ليه سيبنا بعض؟؟

هــى : يعنــى مكانش عارف يعديها؟؟

هـــو : ياترى انا اللى غلطان ولا هى

هــى : اكيــد انا اللى غلطانه انا اللى زعلته

هــو : بجـــد صوتها واحشنــى اووووى

هـــى : واحشنــى كلامه وهزاره وضحكته

هــو : ياترى لو اتصلت بيها ايه رد فعلها

هـــى : ياترى لو اتصلت بيه هيرد كويس ولا هيقولى " خير يا هانم عايزه ايه تانى " :D بجد واحشنى اوووووى كلامه وهو متعصب

هـــو : بنت ال... واحشنى عنادها رغم انه بيعصبنى وبيحرق دمى قال ايه " انت عايز كلامك بس هو اللى يمشى وخلاص" :D غبيه انا مش عايز كده انا كلامى ده كان من خوفى عليكى وغيرتى

هـــى : نفسـى اطــمن عليه ياترى عامل ايه فى بعدى

هــو : انا لازم اتصل بيها بجد واحشنى صوتها

هـــى : انا هكلمــه بقا وزى ماتيجى

هو يمسك بهاتفه وهى تمسك بهاتفها وتبدأ الاصابع فى ملامسه ارقام الهاتف

هـــو : يضغط ع الزرار الاحمـــر مرددا " لا لو هى كانت عايزانى وباقيه عليا كانت اتصلت انا مش هقل من كرامتى "

هــى : تضغط على الزرار الاحمر مردده " لا لو هو عاوزنى وباقى عليا كان اتصل انا مش هقل من كرامتى"

هـــو : يغمض عيناه داعيا الله ان يفرج عنه همه

هـــى : تغمض عيناها بعد ان ملئتهما الدموع

==================
ومـــا بين كرامته وكرامتهـــا مات الحــــــب



 
حاله اختناق البسمه ع الشفايف وانحباس الدمعه فى العيون حاله الاشىء والكل شىء لست حزين او فرحا لا اعلم هل ابالى ام لا ابالى كصنم رسمت بسمه على شفاهه وعيونه مغرورقتان بالدموع
 

الخميس، 15 نوفمبر 2012



تمـــلك من الغباء القدر الكافـــى لجعلـــى انســــاب من بين اصابعهـــا وكأنـــى حبات رمـــال

الأحد، 4 نوفمبر 2012

الخميس، 4 أكتوبر 2012

يعتقدون انى اكره الانثى اقسم باللذى خلقنى وخلقها ما اكرهها ابدا ولو كانت مجرد عظاما هاشه تسير ملعثمه الخطوات فهى الحنان والعاطفه والاحاسيس الدافئه فهى الام والاخت والزوجه هى من خلقت من ضلعى فكيف لى ان اكره ما هو منى يا سيدتى لا اكرهكن ابدا ولكنى فقط انتقد تصرفات بعض الاغبياء منكن

الاثنين، 24 سبتمبر 2012

يعنى ايه كلمه بحبك





يعنى ايه كلمه بحبك سؤال جوابه يطول
بس هحاول اجاوب واقول


يعنى ايه كلمه بحبك

يعنى افضل افكر فيكى

واسهرلك الليالى
يعنى اشيلك جوه قلبى
ويزورنى طيفك فى منامى

يعنى ايه كلمه بحبك

 
يعنى تغلط واسمحك
يعنى اشيل همومك
واداوى جرحك
يعنى افضل واقف جمبك
لما ينكسر فى العتمه حلمك

يعنى ايه كلمه بحبك

 
يعنى ايدى مسكه ايدك مهما حاولوا يفرقونا
يعنى نفضل بردو نضحك مهما حاولوا يجرحونا

الخميس، 20 سبتمبر 2012

العوده لمدونتـــى

 

احاسيس


ينتابنى شعور للعوده لمدونتى ولقلمى 
يجتاحنى شعور بسرد احاسيسى مره اخرى
يراودنى شعور بظمأ اوراقى لكلماتى
لا استطيع ان اقاوم تلك المشاعر التى تجتاحنى الان
لا اعلم ما هى اسبابها ولكنى ساسرد ما بى مره اخرى 
سأروى عطش صفحتى البيضاء لشخبطات قلمى وهذيانى وجنونى

من هـــــــــى؟؟؟!!


هى انثى القمر منها يغار
عيونها بحار اشعار
شفتيها صندوق اسرار
قوامها تهتز له جبال وتنهار
لوحه فنيه ابدعها الخالق الجبار


احبهـــا؟؟؟


بل اعشقها حد الجنون حد الثماله 
وكيف لا اعشقها وهى تسكن كيانى 
وتحتل كامل وجدانى
وتحلق فى سماء احلامى 
وتنتشر داخل اوريدتى
وتحل محل الانفاس برأتى


متى وكيف عشقتها؟؟!!


لا اعلم ,,,لصه هى تسللت الى اعماق اعماق قلبى
اقتحمت اسوارى ودمرت احزانى وعصفت بالماضى 
وانتشلتنى من بين نسائى وسرقت منهن تاجى 
وتوجت نفسها ملكه على عرش احساسى


عـــــــــــــــــــــــــذرا..!


فلا تلومونـــى على حبى لها 
فأنتم لم تقرأوها كما قرأتها